အလွမ်းညည့်

လရောင်မမြင်
ကြယ်ရောင်မဟိရေ
ညည့်နက်ထဲမှာ
ပိုးစုန်းကြူးချေတိကို
အဖော်ပြုလို့
မင်းအလာကို
မျှော်နိန်မိရေ
ချစ်သူ။

မတူညီရေ မျိုင်းပြိုင်နှစ်ခုကို
တထပ်တည်းဖြစ်ယောင်ဆွဲလို့
မဖြစ်နိုင်မှန်းကို
ငါ့...
ကြိုတင်လို့သိခပါရေ
ချစ်သူ။

ယကေလေ့
အိပ်စက်နိန်ရေ
ငါ့နှလုံးသားတိက
မင်းနန့်ကျမှရာနိုးထလာခလို့
တသက်မှာ တယောက်တည်းကိုရာ
ချစ်မိခရေ ငါ့အတွက်
မင်းကို မိန့်ပစ်ဖို့က
မဖြစ်နိုင်လို့ပါရာ
ချစ်သူ။

ငါ့ဘဝထဲက
မင်းတယောက်
အပြီးပိုင်ထွက်လားခယာဆိုစွာကို
ငါ သိနိန်ကေလေ့
မိန့်ဖျောက်လို့မရရေ
ငါ့ စိတ်တိက
မင်းဘားမှာရာဟိပါရေ
ချစ်သူ။

ဘဇောင်ပိုင်ချောင်ဖြစ်ဖြစ်
ချစ်သူ........
မဖြစ်နိုင်ရေဘဝမှာ
အတိတ်က ရက်ရာဇာနိန့်ရက်တိကို
တမ်းတယင်းနန့်ရာ
အလွမ်းညည့် ခရီးရှည်ကြီးကို
ဆက်လို့ဖြတ်သန်းနိန်ရဖို့စွာရာ.....။
....................
ကျောက်ဖြူ- ရင်သွီးချေ
၂၅-၀၁-၂၀၁၀