အဆိပ်လူးမြားတစင်း

တဘဝမှာ တခါအဖြစ်နန့်
တပွင့်တည်းသောပန်းချေကိုရာ
မြတ်မြတ်နိုးနိုးနန့် ချစ်ခကေလေ့
သာယာလှပရေ အချစ်လမ်းချေတခုကို
ငါမလျှောက်လှမ်းဖူးခပါ။

ငါကမင်းကို
အသက်ထက်ချစ်တေ
မင်းကလည်း ငါ့ကို
အသက်ထက်ချစ်တေလို့
မင်းပြောခရေစကားတိက
အဂုအချိန်မှာ
ဇာကိုပျောက်လို့
ဇာကိုရွှင့်လားခယာရောင်။

တချိန်တုန်းက
“မင်းကို အကယောင်ချစ်တေ
တဘဝလုံးအတွက်ပါ” လို့
မင်းပြောခရေ စကားတိကို
ကယောင်းလို့ထင်ခရေ။

တရက်နိန့်က မထင်မှတ်ဘဲ
“မင်းကို ငါစိတ်ကူးချေတောင်မှ
မယဉ်ဖူးခ၊ မင်း ငါ့ကိုစိတ်ကူးမယဉ်ပါကေ့” လို့
မင်းပြောလာရေ စကားတခွန်းက
အဟုန်ပြင်းပြင်းနန့် ပစ်ထည့်လိုက်တေ
အဆိပ်လူးမြားတစင်းပိုင်
ငါ့ရင်ကို ဖောက်ထွင်းလို့
ငါ့မျှော်လင့်ချက်တိနန့်
ငါ့နှလုံးသားတိကို
တစစီဖျက်ဆီးပစ်လိုက်တေ။

ငါ နားလည်ပါယာ ချစ်သူ..
လမ်းဘေးမှာကြွီကျနိန်ရေ
ချရပွင့်ပန်းချေနန့်တူရေ ငါ့ဘဝနန့်
ပင်ယံထက်မှာ တင့်တယ်နိန်ရေ
မင်းဂေါင်းမှာ ပန်းဆင်ဖို့
ဘဇောင်ပိုင်ချောင်ဖြစ်နိုင်ပါဖို့ရောင်။

ယကေလေ့ချစ်သူ
ခြောက်သွိ့လားကေလည်း
မွီးရနံ့တိပျောက်ပျက်မလားရေ
ချရပွင့်ချေတပွင့်ပိုင်
မင်းအပေါ်မှာ မပြောင်းလဲရေ
ငါ့၏အချစ်စစ် အချစ်မှန်
ရနံ့ချေတိက
အမြဲတမ်း ကြိုင်သင်းနိန်မြဲဆိုစွာကို
မင်းတယောက်
အကြွင်းမဲ့ ယုံလိုက်ပါ။
...................
ကျောက်ဖြူ-ရင်သွီးချေ
၂၈-၂-၂၀၁၀