ဘဝဆိုစွာ အေစွာလား

ဘဝမှာ
ပျော်ရွှင်မှုတိနန့်ပြည့်နိန်ရေခါ
အနားမှာထိုင်ပနာ
အပြုံးတိနန့်အားပီးဖော်ရရေလူကိုထက်
ကိုယ့်ဘဝ၏ စိတ်ဖိစီးမှုတိ
ကိုယ့်ဘဝ၏ မွန်းကျပ်နိန်ရေအခါတိမှာ
ကိုယ်ပြောချင်ရေစကားတိ
နားထောင်ပီးနိုင်ရေလူက
လူတယောက်ဘဝအတွက်
မိတ်ကောင်းဆွီမွန်
အဖော်မွန်ပါ...။

ဘဝဆိုစွာက
သာယာလှပစွာနန့်
တသွင်သွင်စီးကျနိန်ရေ
စမ်းချောင်းချေတခုပိုင်မဟုတ်ရေပိုင်
သာယာချောမွိ့နိန်ရေ
ပန်းခင်းလမ်းတခုလည်း မဟုတ်ပါ..။

ဘဝဆိုစွာက
ကမ်းမမြင်ရေ သမုဒ်ပြင်ကျယ်ထဲမှာ
ကြမ်းတမ်းခက်ထန်ရေ
လီကြမ်းမုန်းတိုင်းတိကို
ရင်ဆိုင် ဖြတ်သန်းယင်းနန့်
ခရီးနှင်နိန်ရေ
အဖော်ကွဲဇင်ယော်ချေပိုင်ရာ..။

ဘဝမှာ
ဖြစ်ချင်ရေဆိုစွာထက်
ဖြစ်သင့်စွာကိုရာ
ဦးစားပီးနိန်ကတ်ရရေဆိုကေလေ့
ငါ ကြိုးစားသမျှ ဖွဲရီကျပိုင်
မျောချင်စွာကိုမျောလားခရေ
အဖြစ်တိက
ငါ့ဘဝအတွက်
ဖြစ်သင့်စွာရာလား..။
......................
၁၆-၀၂-၂၀၁၀
၂၂း၀၉ ပီအမ်