နပျိုးသီး၊ လှီကား၊ ရခဲရည်၊ မျောက်တိနှင့် ငါ့ရို့

သူငယ်ချင်းရို့....စမ်းသပ်ချက်တခုမှာ သိပ္ပံပညာသျှင်များက မျောက် ၅
ကောင်ကို လှောင်အိမ်တခုထဲမှာအတူတူ စုထည့်ထားလိုက်ရေ။

ပြီးကေလှောင်အိမ်၏ အလယ်တည့်တည့်မှာ လှီကားတစင်းထောင်ထားပြီး
လှီကားထိပ်မှာတော့ခါ နပျောသီးတဖီးကို တင်ထားပီးပါရေလတ်။

တကယ်လို့ရာ မျောက်တကောင်ကောင်ကနီ နပျောသီးစားချင်လို့ လှီကားထက်ကို
တက်ဖို့ကြိုးစားအခါတိုင်းမှာ သိပ္ပံပညာရှင်တိက ကျန်ရေမျောက်တိကို
(မျောက်တိ ကြောက်ရေ) ရခဲပိုင်ချောင် အီးစက်နီရေ ရီအီးတိနန့် နီမထိ
ထိုင်မသာဖြစ်အောင် ဆွတ်ဖြန်းပီးထားရေလတ်။

ယာ....မကြာလိုက်ပါ။ မျောက်တိစွာ သူရို့အထဲက တကောင်ကောင် လှီကားထက်တက်ဖို့
ကြိုးစားစွာနှင့် ယင်းအကောင်ကို ကျန်ရေလေးကောင်က ၀ိုင်းပြီး ထုကတ်၊
နှက်ကတ်ပါလှရေလတ်။ ယင်းအခါမှာတော့ခါ ရီအီးနှင့် ပက်ဖြန်းစွာကို
ရပ်နားထားလိုက်ပါလီရေ။

ယင်းနောက်ပိုင်းမှာ နပျောသီး၏ ဆွဲဆောင်ဖြားယောင်းမှု ဇာပိုင်ပင်
အားကောင်းလွန်းလှကေလေ့ မျောက်တိတကောင်လည်းသော့ မျောက်စွမ်းကောင်းလုပ်ပြီး
လှီကားထက်ကို တက်ဖို့ ထပ်မကြိုးစားဝံ့ယာလတ်။

ယင်းပိုင်အနီအထားမှာ သိပ္ပံပညာသျှင်တိက မူလမျောက်ငါးကောင်ထဲက တကောင်ကို
လှောင်အိမ်ထဲက ထုတ်။ သူ့နီရာမှာ မျောက်အသစ်တကောင်နှင့်
လဲလှယ်အစားထိုးလိုက်တေ။ မျောက်အသစ်စွာ လှောင်အိမ်ထဲကို ရောက်စွာနန့်
(မျောက်ပီပီ) လှီကားထက်ကို ပြီးတက်ပြီး နပျောသီးကို ယူဖို့
ကြိုးစားပါလီရေနှယေ။ ကျန်ရေလေးကောင်ကလည်း ထုံးစံအတိုင်း မဆိုင်းမတွ
သူ့ကို ၀ိုင်း "သမ" ကတ်တေလတ်။
(ကွိကွိ...ကွကွ...ကွိကွ...ခွီးမသားမျောက်...ဆော်ပစ်....ကွစ်ကွစ်)

ယင်းပိုင် မကြာမကြာ ထုနှက်ခံရပြီးရေနောက်မှာ အသစ်ရောက်လာရေမျောက်က
အစော်ဖြစ်လို့ အေပိုင် ထုနှကကတ်ရေလဲ။ နောက်ကွယ်က အကြောင်းရင်းမှန်ကို
စဉ်းစားလို့ မရကေလည်း လှီကားထက်ကို မတက်ရဆိုရေ အချက်ကိုတော့ခါ
ကောင်းကောင်းကြီး သဘောပေါက်လာရေ။ လှီကားထက်ကို တက်ဖို့ကိုလည်း
ထပ်မံမကြိုးစားဝံ့ယာလတ်။

ဒုတိယ မျောက်အသစ်တကောင်ကို မျောက်အဟောင်းတကောင်၏ နီရာမှာ ထပ်မံအစားထိုး
ထည့်လိုက်ရေအခါမှာလည်း အလားတူ အဖြစ်မျိုး ထပ်ဖြစ်တေ။ ဒေနီရာမှာ
စိတ်ဝင်စားဖို့ကောင်းစွာက ဒုတိယမျောက်သစ်ကို ၀ိုင်းဝန်းထုနှက်ကတ်တေအခါ
သူ့အယင်ရောက်တေ မျောက်အသစ်ကပါ ဘုမသိ ဘမသိ ၀င်ပြီး ထုနှက်စွာကို
တွိ့ရရေလတ်။ (ကြည့်ရစွာ လူတိသာမက မျောက်တိလည်း ဆွမ်းကြီးလောင်းရစွာ
ဝါသနာပါပုံရရေဝေး ။)

ယင်းပိုင်နှင့် တတိယ မျောက်အသစ်တကောင်ကို မူလမျောက်အဟောင်းထဲက တကောင်နီရာမှာ
အစားထိုးထည့်ကြည့်ရေ။ ထုနှက်ရေကိစ္စဆက်ဖြစ်တေ။
စတုတ္ထမျောက် အသစ်တကောင်ထပ်လှဲထည့်ရေ။ ထုရိုက်ရေကိစ္စ ဆက်ဖြစ်တေ။
နောက်ဆုံးမှာ ပဉ္စမမြောက် မျောက်အသစ်ကို
နောက်ဆုံး လက်ကျန်မျောက်အဟောင်းနီရာမှာ အပြီးသတ် လဲထည့်လိုက်လီရေ။

********************************************************************

သူငယ်ချင်းရို့.....အခုဆိုကေ လှောင်အိမ်ထဲမှာ ဟိနီရေ
မျောက်ငါးကောင်စလုံးစွာ နောက်မှ ရောက်လာကတ်တေ မျောက်အသစ်တိချည်းပါဝေး။
သူရို့ အားလုံးစွာ ရခဲရီနန့် ပက်ဖြန်းစွာကို တခါမှ မကြုံခရဖူး။
ယကေလေ့ သူရို့ထဲက တစ်ကောင်ကောင် လှီကားထက်ကို တက်ဖို့ကြိုးစားကေတော့ခါ
ကျန်ရေ လေးကောင်က ၀ိုင်းဝန်းပြီး ထုကတ်၊ နှက်ကတ်ဆဲပါလတ်။ယကေလေ့ အစော်ဖြစ်လို့
ယင်းပိုင် ထုနှက်ရသလဲဆိုရေ အကြောင်းရင်းကိုတော့ခါ မျောက်ငါးကောင်စလုံး လုံးဝ
မသကတ်ပါ။

ကိုင်.....ပုံပြင်ချေကတော့ခါ အေလောက်ပါရာယေ။

သူငယ်ချင်းရို့……ယင်း မျောက်ငါးကောင်၏ ထူးဆန်းရေ အပြုအမူကို
လူ့အဖွဲ့အစည်း အတွင်းမှာလည်း တွိ့ဖူးကြုံဖူး ပါရေလား။
.................
ကျေးဇူးတင်ပါရေ။